काठमाडौं । राष्ट्रिय स्वतन्त्र पार्टी रास्वपाले शनिबार पत्रकार सम्मेलन गर्दै छ । पत्रकार सम्मेलन दिउँसो ४ बजे बसुन्धरास्थित पार्टी केन्द्रीय कार्यालयमा हुनेछ ।
पत्रकार सम्मेलन मार्फत उपनिर्वाचनमा पार्टीको उम्मेदवारहरुको घोषणा हुने बताइएको छ ।
रास्वपाका सभापति रवि लामिछानेसहित बिहीबार मात्रै नेपाली कांग्रेस परित्याग गर्नुभएका अर्थशास्त्री डा. स्वर्णिम वाग्ले र नेपाल सुशासन पार्टीका अध्यक्ष रमेश खरेलले एकसाथ पत्रकार सम्मेलन गर्नु हुने सभापति लामिछानेले शुक्रबार सामाजिक सञ्जालमार्फत जानकारी दिनु भएको छ ।
रास्वपाले आगामी वैशाख १० गते हुने उपनिर्वाचनमा चितवन–२ मा राष्ट्रिय स्वतन्त्र पार्टीका सभापति रबी लामिछाने, तनहुँ–१ मा अर्थशास्त्री डा. स्वर्णिम वाग्ले र बारा–२ मा नेपाल सुशासन पार्टीका अध्यक्ष रमेश खरेललाई उम्मेदवार बनाउने तयारी गरेको छ ।
