काठमाडौँ । नेपाली कांग्रेसको कार्यसम्पादन समितिको बैठकले १० वैशाखमा ३ वटा क्षेत्रमा हुने उपनिर्वाचनका लागि २ जना उम्मेदवारकाे नाम टुंगाे लगाएकाे छ । बिहीबार बसेकाे बैठकले उम्मेदवारहरूकाे टुंगाे लगाएकाे हाे ।
बैठकबारे जानकारी दिँदै प्रवक्ता प्रकाशशरण महतले तीन वटा उपनिर्वाचन हुने क्षेत्रमा उम्मेदवार टुङ्गो लगाएको बताए ।
चितवन–२ मा जितनारायण श्रेष्ठ र तनहुँ–१ मा गोविन्द भट्टराईलाई उम्मेदवार बनाउने कांग्रेसको निर्णय छ । आगामी वैशाख १० गते देशका ३ वटा निर्वाचन क्षेत्रमा उपनिर्वाचन हुँदैछ । उपनिर्वाचन हुने क्षेत्र मध्ये बारा–२ मा भने १९ चैतमा बस्ने बैठकले टुंगाे गर्ने प्रवक्ता महतले जानकारी दिए ।
सत्ता गठबन्धनमा रहेका जसपाका अध्यक्ष उपेन्द्र महताेलाइ नै कांग्रेसले पनि समर्थन गर्ने सम्भावना समेत देखिएकाे छ । त्यसाे हुँदा कांग्रेसले उक्त क्षेत्रमा उम्मेदवार छानिसकेकाे छैन ।
कांग्रेसले मन्त्री छान्ने जिम्मा सभापति शेरबहादुर देउवालाई दिएको छ। बिहीबार बसेको पार्टी केन्द्रीय कार्यसम्पादन समिति बैठकले मन्त्री छनोटको जिम्मेवारी सभापति देउवालाई दिएको प्रवक्ता प्रकाशशरण महतले जानकारी दिए ।
उनका अनुसार देउवाले सबैसँग सल्लाहकार गरेर मन्त्रीको नाम प्रधानमन्त्रीलाई बुझाउने छन् । प्रधानममन्त्रीले आजै मन्त्रिपरिषद् विस्तारको तयारी गरेका छन् ।
