काठमाडौं । निर्वाचन आयोगले राष्ट्रपतिको निर्वाचनमा रामचन्द्र पौडेल निर्वाचित भएको प्रतिवेदन राष्ट्रपति विद्यादेवी भण्डारीलाई बुझाएको छ ।
शुक्रबार राष्ट्रपति कार्यालयमा पुगेर प्रमुख निर्वाचन आयुक्त दिनेशकुमार थपलियाले राष्ट्रपति विद्यादेवी भण्डारीसमक्ष राष्ट्रपति निर्वाचनको प्रतिवेदन पेश गर्नुभएकाे हाे ।
नेपालको संविधानको धारा ६२ तथा राष्ट्रपति निर्वाचनसम्बन्धी ऐनको दफा ६४ बमोजिम प्रतिवेदन बुझाइएको आयोगले जनाएको छ। फागुन २५ गते सम्पन्न राष्ट्रपति निर्वाचनमा नेकपा एमालेका उम्मेदवार शुवास नेम्वाङलाई पराजित गर्दै नेपाली कांग्रेसका नेता रामचन्द्र पौडेल निर्वाचित हुनुभएकाे थियाे ।
