काडमाडौं । सामाजिक सञ्जालमा भाइरल भइरहेको जहाजमा चरा ठोक्किएको घटना सोमबारको भएको बुद्ध एयरले पुष्टि गरेको छ ।
यद्यपि जहाजमा चराको प्वाँख, रगत नलागेको र जहाजमा समेत कुनै क्षति नभएका कारण विमानस्थलमा रिर्पोटिङ गर्नु नपरेको बुद्ध एयरका सूचना अधिकृत दीपेन्द्र कर्णले जानकारी दिएका छन् ।
‘भिडियो सामाजिक सञ्जालमा आएपछि पोखराबाट स्टेसन म्यानेजर नै चरा खसेको स्थानमा पुगेर हेर्नु भएको रहेछ,’ उनले जन प्रहारलाई भने, ‘चरा जहाजको नजिकै आउँदा ध्वनि र हावाको वेगका कारण जहाजमा नछोएपनि झरेको अनुमान छ ।
यद्यपि विमानस्थल नजिकै यस्तो गतिविधिले उडान सुरक्षामा गम्भीर असर पुग्ने उनले बताएका छन् । सामाजिक सञ्जालमा भाइरल भिडियोमा भने जहाज उड्दै गर्दा दुई वटा गिद्ध वेगसँग झरेको देखिन्छ ।
