काठमाडाैं। नेपाली काङ्ग्रेस वरिष्ठ नेता डा. शेखर कोइरालाले ठुलो दल भएर पनि सरकारमा जान र सरकार बनाउन नपाउँदा चित्त दुखेको बताएका छन् ।
उनले सरकारलाई दिएको विश्वासको मतको बारेमा पार्टी भित्र छलफल गर्दा आफू विश्वासको मतको तटस्थ अवस्थामा बस्न लागेपनि पार्टी भित्र बहुमतको निर्णयलाई मानेर अघि बढेको सुनाएका छन् ।
आगामी फागुन २८ पहिला नै देशले राष्ट्रपति पाउनु पर्ने जिकिर गरेका छन् । नेपाली काङ्ग्रेस वरिष्ठ नेता डा. शेखर कोइरालाले फागुन २८ अघि राष्ट्रपति छान्न नसके देशमा अनिष्ट हुने बताएका छन् । नेपाली काङ्ग्रेसले राष्ट्रपतिको उम्मेदवार बनाउने पनि बताएका हुन् । संविधान भन्दा बाहिर राष्ट्रपति हुन सक्दैन,उनले भने, यहाँ जसले जे गर्दा पनि हुन्छ भन्ने खालको अवस्थाको अन्त्य गर्न काङ्ग्रेसको राष्ट्रपति हुनुपर्छ ।
उनले हिजोको सर्वोच्च अदालतको निर्णयलाई सकारात्मक भनेका छन् । प्रदेशले मन्त्रालय घटाउन प्रदेशहरूले गरेको निर्णय सकारात्मक रहेकोमा उनले प्रशंसा गरेका छन् । प्रदेशहरूले गरेको जस्तो निर्णय संघले पनि गरेर जान सक्नु पर्छ, उनले भने, सङ्घीय सरकारले पनि आर्थिक संहितमा टेवा पुग्नेखालका काम गर्न दबाब दिने काममा मिडियाले भूमिका खेल्नु पर्छ ।
अहिलेको सरकारले पत्रकारलाई दुख दिएको पत्रकारले दुख भोगेका छन्, उनले भने, हामी नेपाली काङ्ग्रेसको सरकार हुँदापनि पत्रकारले दुख पाएको भए त्यसको लागि क्षमा चाहन्छु । उनले सबै जिल्ला समाहित हुनेगरि सबैलाई समेटेर नेतृत्व छान्न कोइरालाले आग्रह गरेका छन् ।
