काठमाडौं । सशस्त्र प्रहरी बलका सहायक निरीक्षक (असई) सत्यनारायण यादव हत्या आरोपमा कर्तव्य ज्यान कसुरमा मुद्दा खेपिरहेका सशस्त्रकै जवान होमबहादुर खत्रीलाई मुद्दो अन्तिम टुंगो नलागिञ्जेलसम्मका लागि जेल पठाइएको छ ।
असई यादवको हत्यामा जवान खत्रीको संलग्नता पाइएको भन्दै जिल्ला प्रहरी कार्यालय सप्तरीले खत्रीलाई २५ दिनसम्म हिरासतमा राखेर अनुसन्धान गरेपछि चलाइएको मुद्दामा अदालतको आदेशबाट जेल चलान गरिएको हो ।
व्यक्तिगत रिसिइबीका कारण असई यादवको हत्या गरेको अनुसन्धानबाट खुलेको मिसिल तयार पारिएकाे छ ।
सशस्त्रको गण नम्बर ६ हेडक्वार्टर राजविराजमा दरबन्दी भइ बोर्डर आउटपोस्ट (बीओपी) छिन्नमस्तामा कार्यरत असई यादव असोज २० गते मृत भेटिएका थिए ।
