पुष्कर खड्का
रामेछाप । भक्तपुरमा १३ वर्षीया बालिका बलात्कार गरेको आरोपमा दोलखा एक युवक पक्राउ परेका छन् ।
पक्राउ पर्नेमा दोलखाको शैलुङ गाउँपालिका ७ का १९ वर्षीय अशोक भन्ने अनिश भुजेललाई प्रहरी पक्राउ गरेको हो ।
पक्राउ परेका भूजेलले आफू काम गर्नेठाउँ भक्तपुर नगरपालिका १ दुधपाटीको मम एण्ड पिज्जा हाउसमा बोलाई बालिकालाई विभिन्न प्रलोभनमा पारी जबर्जस्ती करणी गरेको भन्दै पिडित परिवाले प्रहरीकोमा उजुरी दिएका थिए ।
प्रहरीलाई दिएको उजुरीको अाधारमा भूजेललाई ललितपुर महानगरपालिका ९ भुलढोकाबाट पक्राउ गरिएको भक्तपुरका प्रहरी नायब उपरीक्षक राजु पाण्डेले जानकारी दिनुभयो । पक्राउ परेका भूजेलमाथि थप अनुसन्धान भइरहेको भक्तपुर प्रहरी जनाएको छ ।
