पुष्कर खड्का
रामेछाप । नेकपा एमाले रामेछापले आगामी मंसिर ४ गते संघ तथा प्रदेशसभाको निर्वाचनका लागि रामेछापका राजनीतिक दलले उम्मेदवार सिफारिस गर्न थालेका छन् । नेकपा एमाले रामेछापको निर्वाचन क्षेत्र समन्वय कमिटी-२ ले प्रदेशसभा क्षेत्र ‘ख’बाट आगामी मंसिरमा हुने निर्वाचनका लागि उम्मेदवार बन्न आकांक्षी ५ जनाको नाम सिफारिस गरेको छ ।
आज सदरमुकाम मन्थलीमा समन्वय कमिटीका संयोजक मिलन घिसिङको नेतृत्वमा बसेको एमालेको बैठकले ५ जनाको नाम जिल्ला कमिटीमा पठाएको एमाले रामेछापका प्रचार विभाग प्रमुखसमेत रहेका उपसचिव प्रकाशकुमार कार्कीले जानकारी दिनु भयो । उहाँको जानकारी अनुसार सिफारिसमा परेकाहरुमा प्रदेश ‘ख’ बाट प्रेम बहादुर तामाङ, भुवन विक्रम घिमिरे, इन्द्र बहादुर तामाड, मिलन कुमार घिसिड र रविन्द लामा रहेको छन् ।
अब सोमबार बस्ने जिल्ला कमिटीको बैठकले प्रतिनिधिसभा सदस्य र प्रदेशसभा सदस्यका लागि आकांक्षीको नाम केन्द्रमा सिफारिस गर्ने छ ।
