काठमाडौँ । आसन्न आवधिक (प्रदेश तथा प्रतिनिधिसभा) निर्वाचनको समानुपातिक निर्वाचनमा भाग लिन ६८ दल इच्छुक देखिएका छन् ।
निर्वाचन आयोगले जनाएअनुसार समानुपातिक प्रणालीको निर्वाचनमा भाग लिन ६८ दलले निवेदन दिएका हुन् ।
आयोगमा दर्ता भएका ७६ दलमध्ये प्रतिनिधिसभा निर्वाचनको समानुपातिकतर्फ भाग लिन ६८ दलले निवेदन दिएका सूचना अधिकारी सूर्यप्रसाद अर्यालले जानकारी दिए ।
त्यस्तै, प्रदेश सभा सदस्यको समानुपातिक निर्वाचन प्रणालीतर्फ प्रदेश नं १ मा ५५, मधेशमा ५९, बागमतीमा ५८, गण्डकीमा ५२ दलले निवेदन दिएका छन् ।
लुम्बिनीमा ५४, कर्णालीमा ४९ र सुदूरपश्चिममा ५० वटा निवेदन परेको अर्यालले जानकारी दिए ।
