काठमाडौं । नेपाली कांग्रेस रामेछापका नेता झपडराज भण्डारीले मंसिर ४ गते हुन लागेको निर्वाचनमा आफ्नो उम्मेदवारी रहने बताएका छन् । भण्डारीले जन प्रहारसंग कुरा गर्दै अब मंसिर ४ गते हुने संघिय संसद वा प्रदेश संसदमा आफ्नु उम्मेदवारी रहने बताएका छन् ।
जिल्लाको राजनितिमा लामो योगदान रहेको भन्दै पार्टीको नेताले आफुलाई यस पटक न्याय दिनेमा आफु बिश्वस्त रहेको बताएका छन् । सरल र मिलनसार त्यागी नेताको रुपमा जिल्लामा पहिचान बनाउन सफल नेता भण्डारी नेपाली कांग्रेस रामेछापका हाल महाधिबेसन प्रतिनिधी समेत रहेका छन् ।
बि.स २०११ सालमा साविक प्रिति गाउँविकास समिती ४ मा जन्मिएका भण्डारी २०३६ साल देखी निरन्तर नेपाली कांग्रेसको राजनीतिमा सक्रिय भएर काम गरिरहेका छन् । राजनीती बाहेक कुनै पेशा व्यवसायमा नलागी जिल्लाको राजनीतीमा ४३ वर्ष बिताएको भण्डारीले बताएका छन् । भण्डारी आफु २०३६ सालको जनमत संग्रह देखी सक्रिय राजनीतीमा लागेको बताउछन् ।
२०४६ सालको आन्दोलनमा ७ दिन २०६२/०६३ को आन्दोलनमा पहिलो पटक ९० दिन र दोस्रो पटक १९ दिन गरी १ सय १६ दिन प्रहरी हिरासतमा समेत रहेको बताएका छन् । कांग्रेसको राजनीतीमा लागेको भन्दै तत्कालीन नेकपा माओवादीले २०६२ साल असोज २६ गते घर जग्गा कब्जा गर्दा समेत निरन्तर राजनीतिमा लागेको भण्डारी बताउछन् ।
नेता भण्डारी २०४८ सालको गाउँ विकास समितीको अध्यक्ष हुदै रामेछाप क्षेत्र न १ को क्षेत्रिय सभापती जिल्ला कार्यसमिती सदस्य जिल्ला उपसभापती र कार्यबहाक सभापती हुदै महाधिबेशन प्रतिनिधी समेत भइ सकेका छन् । भण्डारी आफु पार्टीको राजनीतीमा लामो समय लागेको कारण जिल्लाको नेता तथा कार्यकर्ताको साथ र सर्मथन रहेको जिल्लाको समग्र विकास निमित आफ्नो उमेरद्वारी रहने बताएका छन् ।
भण्डारीले भने मेरो उम्मेदवारी संघमा वा प्रदेशमा कुनमा हुन्छ अहिले भन्न नसके पनी संघ र प्रदेश मध्य एकमा रहने बताएका छन् ।
