पुष्कर खड्का
रामेछाप । बैंकिङ कसुर मुद्दाका फरार रहेका रामेछापका एक पुरुषलाई प्रहरीले पक्राउ गरेको छ ।
पक्राउ पर्नेमा रामेछापको मन्थली नगरपालिका–७ घर भई हाल काठमाडौं महानगरपालिका-३२ कोटेश्वर बस्ने ३९ वर्षीय निरज बुढाथोकी रहेका छन ।
पक्राउ परेका बुढाथोकीले आफ्नो खातामा पर्याप्त मौज्दात रकम नभएको भनि जानी-जानी पीडितलाई झुक्यानमा पारी
सेञ्चुरी बैंकको चेक काटेर पीडितलाई झुक्याएको उजुरी परेपछि मुद्दा चलाइएको थियो ।
उच्च अदालत पाटनको बैंकिङ कसूर मुद्दामा दोषी ठहर गर्दै ८ दिन कैद सजाय र ४२ लाख रुपैयाँ जरिवाना ठहर भई फरार रहेका उनलाई केन्द्रीय अनुसन्धान व्यूरो (सीआईबी) ले कोटेश्वरबाट पक्राउ गरेको हो
पक्राउ परेका बुढाथोकीलाई फैसला कार्यान्वयनका लागि काठमाडौँ जिल्ला अदालतको अादेशले डिल्लीबजार कारागार कार्यालय पठाइएको प्रहरीले जनाएको छ ।
