काठमाडौंँ । बझाङमा एकै परिवारका ३ जना मृत फेला परेका छन् । बुङ्गल नगरपालिका-९ रारुमा आमा, छोरी र छोरा झुण्डिएको अवस्थामा मृत भेटिएको बताइएको छ ।
मृत भटिएकामा २२ वर्षीया गीता पार्की, उनकी ५ वर्षीया छोरी र ३ वर्षीया छोरा भूपेन्द्र पार्की झुन्डिएको अवस्थामा भेटिएको बुङ्गल नगरपालिका-९ का वडाध्यक्ष हरिशबहादुर सिंहले बताए । उनका अनुसार मृतक बालिकाको भने नाम खुलेको छैन।
इलाका प्रहरी कार्यालय बुङ्गलको प्रहरी टोली घटनास्थल पुगेको छ। प्रहरीका अनुसार घटना अनुसन्धानका लागि जिल्ला प्रहरी कार्यालयबाट प्रहरी निरीक्षक रमेश अवस्थीको नेतृत्वको टोली घटनास्थलतर्फ गएको छ ।
घटना के र कसरी भयो भन्ने बारे थप खुल्न बाँकी रहेको प्रहरीलेको भनाई छ । हाल प्रहरीले घटना बारेका अनुसन्धान अगाडि बढाएको छ । प्रमुख जिल्ला अधिकारी बाबुराम अर्यालले जन प्रहारसँगकाे कुराकानीमा भने, ‘तीन जनाको मृत्यु भएको भन्ने खबर आयो यो सो स्थान सदरमुकाम भन्दा टाढा रहेकाले भखरै मात्र प्रहरी घटना स्थलमा पुगेको छ । बाकी जनकारी आएको छैन् ।
म नियमित सम्पर्कमा छु वडा अध्यक्षहरु पनि घटनास्थल पुग्नु भएको छ रे केही बेरमा जानकारी आउँने छ । अहिले यसै भन्ने अवस्था छैन् । मृतकको परिवारबारे पनि पुर्ण जानकारी आएको छैन् ।
