काठमाडौं । काठमाडौं उपत्यकाको फोहोर एक हप्तासम्म नउठ्ने भएको छ । बन्चरेडाँडा स्यानीटरी ल्याण्डफिल साइट जाने सडक निर्माण कार्य सुचारु गर्नुपर्ने भएकाले फोहोर नउठ्ने काठमाडौं महानगरपालिकाका प्रमुख प्रशासकीय अधिकृत लोकनाथ पौड्यालले जानकारी दिए ।
उक्त सडक खण्डमा कम्तीमा एक हप्ता सवारी आवागमन बन्द गरिदिन शहरी विकास तथा भवन विभागको अनुरोध आएकोले फोहोर फोहोर उठाउन नसकिने उनले बताए ।
उनले घर, पसल तथा व्यवसायबाट उत्पन्न हुने कुहिने र नकुहिने फोहोरलाई सडक, चोक, सार्वजनिक स्थलमा नफाली घर भित्रै छुट्टाछुट्टै राखी दिन पनि महानगरवासीलाई अपिल गरेका छन् ।
