भक्तपुर । चाँगुनारायण नगरपालिका–५ पिखेलमा बिहीबार साँझ मिनी ट्रकसँग स्कुटर ठोक्किँदा स्कुटर चालकको मृत्यु भएको छ ।
बा ५ ख ५४२३ नम्बरको मिनी ट्रकसँग बा ६७ प ८४२२ नम्बरको स्कुटर ठोक्किँदा स्कुटर चालक भक्तपुर नगरपालिका–१ सल्लाघारी बस्ने ३२ वर्षीय माधव बस्नेतको मृत्यु भएको हो ।
मिनि ट्रकलाई स्कुटरले ओभरट्याक गर्ने क्रममा अचानक मिनि ट्रकमा ठक्कर खान जाँदा गम्भीर घाइते भएका बस्नेतको उपचारका क्रममा त्रिवि शिक्षण अस्पताल महाराजगञ्जमा मृत्यु भएको जिल्ला प्रहरी परिसर भक्तपुरका निमित्त सूचना अधिकारी प्रहरी निरिक्षक लोकबहादुर जिसीले बताउनुभयो ।
दुवै सवारी साधन र मिनि ट्रक चालक भक्तपुर नगरपालिका– ८ लिवाली बस्ने ४३ वर्षीय सत्यराम कर्माचार्यलाई नियन्त्रणमा लिई थप अनुसन्धान कार्य भईरहेको जिसीले बताउनुभयो ।
