काठमाडौँ । विश्व बातावरण दिवस (५ जुन)का अवसरमा आइतबार सांग्रिला डेभलपमेन्ट बैंकले ‘इन्धन बचाऊँ, पृथ्वी बचाऊँ’, ‘साइकल चलाऊँ, इन्धन बचाऊँ’ भन्ने नारासहित नाराका साथ साइकल र्यालीको आयोजना गरी मनाएको छ । बैंकका प्रमुख कार्यकारी अधिकृत सुयोग श्रेष्ठले साइकल र्यालीमा सहभागीलाई इन्धन बचाउन बैंकले चालेका कदमको विषयमा जानकारी गराएपछि साइकल र्याली सुरु गरिएको थियो ।
बैंकको केन्द्रीय कार्यालय बालुवाटार बाट सुरु भई भाटभटेनी, नक्साल, ज्ञानेश्वर, कृष्ण पाउरोटी, पुतलीसडक, शहिदगेट, माइतीघर, भद्रकाली मन्दिर, जमल, दरबार मार्ग, लैनचौर, कालिका टावर हुँदै सांग्रिला डेभलपमेन्ट बैंकको कार्यालय वालुवाटारमै पुगेर सम्पन्न भएको थियो ।
र्यालीमा बैंकका सस्थापक र सञ्चालकहरु, प्रमुख कार्यकारी अधिकृत सुयोग श्रेष्ठ, बैंकको उच्च व्यवस्थापन तहका कर्मचारीहरु, विभागीय प्रमुखहरु तथा अन्य कर्मचारीहरुको उपस्थिती थियो ।
इन्धन खपत घटाउने समग्र देशको प्रयासमा केही इँटा थप्ने उद्देश्यले बैंकमा कार्यरत सम्पूर्ण कर्मचारीलाई कार्यालय आवात जावत गर्दा विद्युतीय सवारी साधनको प्रयोग, सार्वजनिक यातायातको प्रयोग, कम इन्धन प्रयोग हुने सवारी साधनको प्रयोग, साइकलको प्रयोग तथा हिंडेर कार्यालय आवत जावत तथा कार पुलिङ्ग गर्न उत्प्रेरित गरिरहेको बैंकले जनाएको छ ।
बैंकले आयोजना गरेको यस साइकल र्याली मार्फत वातावरण संरक्षण तथा इन्धन (पेट्रोलियम पदार्थ) बचाउन विभिन्न विकल्पकको प्रयोग गर्न सन्देश दिएको छ ।
देशमा इन्धनको खपत सक्दो कम गरी वातावरणलाई सफा स्वच्छ राख्नको लागी विभिन्न किसिमका कार्यक्रम तथा शिविर मार्फत प्रोत्साहित गर्ने उद्देश्यका साथ ‘सेभ फ्युल च्यालेन्ज’ भन्ने नाराका साथ बैंक अगाडि बढेकोले यस्ता किसिमका कार्यक्रमलाई बैंकले निरन्तरता दिँदै जाने जनाएको छ ।
