©चापागाँउ ललितपुर सुवास महत
काठमाडौँ / ललितपुर गोदावरी १३ झरुवाराशीको वडाध्यक्षमा नेकपा एमालेका नेता भास्कर थापा दोस्रोपटक विजयी भएका छन् । उनले बुधबार राती भएको मतगणनामा १ सय ४० मतान्तरले विजय प्राप्त गरेका हुन् ।
एमालेका थापाले १ हजार ५१ मत पाए भने उनका निकटतम प्रतिस्पर्धी नेपाली काँग्रेसका पुरुषोत्तम पौडेलले ९ सय ११ मत पाएका थिए ।
राष्ट्रिय प्रजातन्त्रका उम्मेदवार सचिन केसीले ५ सय ६७ मत प्राप्त गरेका छन । वडामा थापाको प्यानल नै विजयी बनेका छ । निर्वाचनमा विजयी बन्नेहरुमा मुन्ना केसी,मैयाँ रोक्का नेपाली,प्रेमबहादुर थापा र कमल बहादुर केसी रहेका छन् ।
नगरपालिकाको १३ वडामध्ये एमालेले विजय प्राप्त गरेको यो एउटा मात्रै वडा हो । नेकपा माओवादीले वडा नं ३ गोदावरी र वडा नं ८ डुकुछापमा विजयी भयो । अन्य सबै १० वटा वडामा नेपाली काँग्रेस विजयी भएको छ ।
