एजेन्सी । अस्ट्रेलियाको भिक्टोरिया शहरमा यौनकर्मीका लागि नयाँ कानून लागू गरिएको छ ।
अब नयाँ नियम अनुसार यौनकर्मीहरूले आफ्ना ग्रहकलाई सडकमा नै भेट्न पाउने छन् । यो नयाँ कानून मंगलबारदेखि सुरु भएको अन्तर्राष्ट्रिय सञ्चारमाध्यमहरुले जनाएका छन् । स्थानीय सरकारले यसलाई सुधारवादी कानुन भन्दै भिक्टोरियाको लागि ऐतिहासिक दिन समेत भएको बताएका छन् । नयाँ कानुन लागू भएपछि अष्ट्रेलियामा यौनकर्मीको उद्योग थप सुरक्षित हुने अन्तर्राष्ट्रिय सञ्चाार माध्यमले जनाएका छन् । मंगलबारबाट सुरु भएको यो नयाँ कानुनमा सडक वरपर यौनजन्य कामलाई कानुनी मान्यता प्रप्त भएपनि थोरै संख्याको लागि मात्र यो मान्य हुनेछ ।
यसबाट यौन व्यवसायमा आबद्ध व्यक्तिहरू आफुमाथि हुने अपराधबारे पूर्ण ढुक्क भएर अगाडी आउन सक्ने र परिवर्तनपछि उनीहरूलाई पनि सहयोग पुग्ने अष्ट्रेलिया सरकारले जनाएको छ । अष्ट्रेलियाका उपभोक्ता मामिला मन्त्रीका अनुसार यो कदम भिक्टोरीयामा यौन कार्यमा प्रचलित भेदभावलाई परिवर्तन गर्न महत्वपूर्ण कदम हुनेछ । त्यस्तै अष्ट्रेलियाका कार्यस्थल सुरक्षा मन्त्रीले भनेका छन् – सबैलाई काम गर्दा सुरक्षित हुने अधिकार छ । उनले यौनकार्यलाई नियमित रुपमा उचित तरिकाले सञ्चालन गर्न, सुरक्षित रहन राम्रो मार्ग दर्शन समेत गरिने बताए ।
कानुनमा यौनकर्मीहरूका लागि यसका साथै अर्को कानून पनि बनेको छ । जसअन्तर्गत विद्यालय, स्याहार सेवा र पूजास्थल वरपर कसैले यस्तो गरेको पाइएमा अपराधको श्रेणीमा पर्ने बताइएको छ । सन् २०२३ को अन्त्यसमममा सेक्स वर्क इजाजतपत्रको उन्मुलनसँगै अदालतमा यौन कार्य सम्बन्धी कानुनको सुधारको दोस्रो चरण लागू गरिनेछ ।
भिक्टोरिया अब यौनकार्य कानुनी रुपमा गैरकानूनी नहुने तेस्रो राज्य हुनेछ । यसअघि सन् १९९५ मा न्यू साउथ वेल्स र सन् २०१९ मा नर्दन टेरिटोरीयामा यस्तो कानुन लागू भैसकेको छ ।
