काठमाडौँ । काठमाडौँ महानगरपालिकाको मेयरका लागि ५६ जनाको उम्मेदवारी परेको छ । मुख्य निर्वाचन अधिकृतको कार्यालयकाअनुसार २१ ले दलका तर्फबाट उम्मेदवारी दिएका हुन् भने ३५ ले स्वतन्त्र उम्मेदवाररूपमा मनोनयन दर्ता गराएका हुन् ।
मेयरका लागि उम्मेदवारी दिनेमध्ये ८ महिला छन् । उपमेयरमा उम्मेदवारी दिने ३१ जनामध्ये १२ जनाले दलका तर्फबाट र १९ ले स्वतन्त्र उम्मेदवारका रूपमा मनोनयन दर्ता गराएको काठमाडौँ जिल्लाका मुख्य निर्वाचन अधिकृत राजुकुमार खतिवडाले जानकारी दिए । उनकाअनुसार उम्मेदवारमध्ये १२ महिला छन् ।
हेर्नुहोस् सूची :-
काठमाडौँ जिल्लाका सबै पालिकामा जम्मा एक हजार २६२ जनाले मनोनयन पत्र दर्ता गराएका छन् । जसमा प्रमुखका लागि १२५ र उपप्रमुख पदका लागि ५७ जनाले, वडाध्यक्षका लागि ३३४, महिला सदस्यका लागि १९१, दलित महिला सदस्यका लागि १२९ जनाले र सदस्यका लागि ४२६ जनाले मनोनयन पत्र दर्ता गराएका हुन् ।
