काठमाडाैँ । नेकपा एमालेका नेता पुर्ब उपध्यक्ष भीम रावलले सूर्य चिन्हबाट अरू दलका नेता पनि उठ्नसक्ने सहमति गरेपछि आपत्ति जनाएका छन् ।
एमालेले बुधबार राप्रपा नेपाल र नेपाल परिवार दलसँग चुनावी तालमेल गरेपछि उनले यस्ताे प्रश्न उठाएका हुन् ।
उनले सामाजिक सञ्जालमा लेखेका छन । बिपरीत सिद्धान्त भएका राप्रपा र परिवार दलका उम्मेदवारले एमालेको सूर्य चिह्नमा लड्ने तर एमाले हुनु नपर्ने रे !
के सूर्य चिन्ह बिक्री हुने व्यवसायिक चिन्ह हो र ? यसलाई ठूलो ठेकेदारले ठेक्का लिएर सानो ठेकेदारलाई काम दिएजस्तो गर्न मिल्छ र ? दलीय प्रणाली र कम्युनिष्ट पार्टीको फजितीमात्र !
