©पुष्कर खड्का
रामेछाप । रामेछापको लिखु खोलामा बम हानेर माछा मार्ने क्रममा एक जना घाइते भएका छन् । माछा मार्ने क्रममा बमको छर्रा लागेर घाइते भएका रामेछाप नगरपालिका वडा नम्बर ४ का टक बहादुर श्रेष्ठलाई हेलिकोप्टरबाट काठमाडौं पठाइएको छ ।
उनको अहिले टिचिङ अस्पतालमा उपचार भइरहेको छ । बम लागेर उनको बायाँ हातको तीन वटा औला अनुहार र घाँटीमा चोट लागेको छ ।
जिल्ला प्रहरी कार्यालय रामेछापले बम हानेर माछा पार्ने अन्य तीन जनालाई भने पक्राउ गरेको छ । आज बिहान धारापानी बसेरी स्थित लिखु खोलामा विष्फोटक पदार्थ पडकाएर माछा मार्ने घटनामा संलग्न तीन जनालाई पक्राउ गरिएको जिल्ला प्रहरी कार्यालय रामेछापका डिएसपी राजकुमार थिङले जन प्रहारलाई जानकारी दिए ।
उनका अनुसार पक्राउ पर्नेहरुमा सिन्धुली कमलामाई नगरपालिका वडा नम्बर ५ का ३० बर्षिय लामा, सिन्धुली भद्रकाली गाउँपालिका २९ बर्षिय निल लामा र कमलामाई नगरपालिकाकै ५२ बर्षिय राम बहादुर बिक रहेका छन् । पक्राउ परेकाहरुमाथि अनुसन्धान सुरु भएको प्रहरीले बताएको छ ।
