पुष्कर खड्का
रामेछाप । काभ्रेपलाञ्चोकमा ढुंगा खानीमा ढिस्को खस्दा रामेछाप शैलुङका एक युवकको मृत्यु भएको छ।
आज दिउँसो ट्रिपर, मिनिट्रकमा ढुंगा लोड गर्ने क्रममा एक्कासी खसेको ढिस्कोले पुर्दा प्रदेश ३–०१–००३ क ५७४८ नम्बरको ट्रिपरका चालक रामेछाप शैलुङका अन्दाजी ३२ वर्षिय श्याम मगरको घटनास्थलमै मृत्यु भएको बनेपाका बनेपाका प्रहरी प्रमुख एसपी चक्रराज जोशीले जानकारी दिनुभयो ।
उहाँले दिएको जानकारी अनुसार बनेपा नगरपालिका वडा नम्बर १४ आशापुरेश्वस्थित रोडा ढुंगा सप्लार्यसको खानीमा एक्कासी ढिस्को खसेपछि भाग्ने क्रममा मगरको मृत्यु भएको प्रहरीले जनाएको छ ।
खानी तथा भुगर्भ विभागको सिफारिसको आधारमा २०६८ साल चैत ५ गते तत्कालीन जिल्ला विकास समितिबाट उत्खनन् प्रमाणपत्र पाएको खानी ३ वर्षयता मात्रै सञ्चालनमा आएको थियो ।
