पुष्कर खड्का
रामेछाप । रामेछाप मन्थलीबाट फागुन ५ गते विहिवार बिहान आफ्नै घरबाट वेपत्ता भएका दिपेश मानन्धर मन्थली भैशेश्वर चोकमा बुधवार साँझ भेटिएका छन् । सुनापति गाउँपालिका–५ रुपाकोट स्थायी घर भइ हाल मन्थली नगरपालिका वडा नं १ मा बस्दै आएका दिलकुमार मानन्धरका २६ वर्षीय छोरा दिपेश मान्धर ५ गते विहिवार बिहानदेखि मन्थलीबाट बेपत्ता भएको थिए।
दिपेश मान्धर घरबाट सम्पर्क विहीन भएपछि उनको परिवारको साथै जिल्ला प्रहरी कार्यालय रामेछापले टोली परिचालन गरेर खोजतलास गर्ने तीब्रता दिएको थियो । घरमै मोबाइल छोडेर सम्पर्क विहीन भएका मानन्धर आज मन्थली नगरपालिकाको भैसैश्वरमा फेला परेको जिल्ला प्रहरी कार्यालय रामेछापका डिएसपी राजकुमार थिङले जानकारी दिनु भयो ।
उहाँको अनुसार दिपेश भेटिएसँगै चिन्तामा डुबेको परिवारमा खुसीयाली छाएको छ । दिपेशको खोजी कार्यमा सहयोग गर्ने सम्पूर्णलाई उनको परिवारले धन्यवाद दिएको छ ।
