.काठमाडौं । भारतको नयाँ दिल्लीमा कोभिड–१९को तेस्रो लहरका कारण बन्द भएका शैक्षिक संस्थाहरु सञ्चालन हुने भएका छन् ।
दिल्ली सरकारले विद्यालय सञ्चालन गर्ने घोषणा गरेसँगै सोमबारदेखि दिल्लीमा स्कूल, कलेज, अफिस र जिम लगायतका क्षेत्र सञ्चालन हुने भएका हुन् ।सोमबारदेखि विगतका दिन जस्तै शैक्षिक संस्थाहरु सञ्चालन सामान्य रुपमा सञ्चालनमा आउने भारतीय सञ्चार माध्यमले जनाएका छन् ।
विगत २ वर्षदेखि बालबालिकाको पढाइ अभिभावक र विद्यालयका लागि चुनौतीको विषय बन्दै आएको छ । कक्षा ९ देखि १२ कक्षासम्मका बालबालिका सोमबारदेखि विद्यालय जानुपर्ने छ । साथै, नर्सरीदेखि ८ कक्षासम्मका बालबालिकाका लागि हाइब्रिड कक्षा सञ्चालन गरिने छ ।
जसमा बालबालिका लागि भने अफलाइन वा अनलाइन कक्षा सञ्चालन हुने छ । नियम अनुसार पूर्ण खोप लगाएका शिक्षकले मात्र अफलाइन कक्षा लिन पाउने भारतीय सञ्चार माध्यमले जनाएका छन् ।
त्यस्तै,दिल्लीमा लगाइएका अधिकांश प्रतिबन्धहरू हटाइएको छ । तर रातको समयमा लगाइएको कर्फ्यू भने जारी रहने भारतीय सञ्चार माध्यमले जनाएका छन् ।
