काठमाडौं ७ मंसिर । नेकपा एमालेको आज स्थायी कमिटिको बैठक बस्ने भएको छ । हिजो स्थगित भएको बैठक आज बस्न लागेको हो ।
बैठक अहिले ११ बजे ललितपुरस्थित तुलसीलाल अमात्य प्रतिष्ठानमा बस्ने भएको हो । एमाले केन्द्रीय कार्यालय सचिव शेरबहादुर तामाङले दिएको जानकारी अनुसार बैठकमा महाधिवेशन तयारीका सम्बन्धमा छलफल हुने बताएका छन् ।
विधानअनुसार ५ प्रतिशत महाधिवेशन प्रतिनिधि मनोनयनको आज टुंगो लगाउने समेत तामाङले बताएका छन् । यसअघि १ हजार ९ सय ९९ प्रतिनिधि हुने भनिएकोमा ५ प्रतिशत सहित अब २१ सय ५० देखि २२ सय सम्म प्रतिनिधि पुग्नसक्ने पनि उनले जानकारी दिएका छन् ।
योसँगै एमालेको १० औं महाधिवेशनमा मतदान गर्ने महाधिवेशन प्रतिनिधिहरू बढ्ने भएका छन् ।
