काठमाडौं । काठमाडौं उपत्यकाको तापक्रम वर्षकै कम रेकर्ड भएको छ ।
उपत्यकासहित देशभर चिसो बढ्दा बिहीबार बिहानको न्यूनतम तापक्रम ८ दशमलव ६ डिग्री सेल्सियस मापन भएको छ । यो वर्षको अहिलेसम्मकै सवैभन्दा कम भएको जल तथा मौसम विज्ञान विभागको मौसम पुर्वानुमान महाशाखाले जनाएको छ ।
उपत्यकाको बुधबारको न्यूनतम ताफक्रम ९ र मंगलबार ९ दशमलव २ डिग्री सेल्सियस मापन भएको थियो । दिनभर मौसम सफा हुने भएकाले चिसो अझै बढ्ने मौसमविद प्रतिभा मानन्धरले जानकारी दिनुभयो ।
जुम्ला र दोलखाको जिरीको तापक्रम सबैभन्दा न्यून रहेको छ । बिहीबार बिहान त्यहाँको न्यूनतम तापक्रम २ डिग्री सेल्सियस मापनगरिएको महाशाखाले जनाएको छ ।
