काठमाडौं । लागूऔषध कारोबारको आरोपमा महानगरीय प्रहरी वृत्त जनसेवा वृत्तका दुई घुमुवा प्रहरी पक्राउ परेका छन् ।
पक्राउ पर्नेमा जनसेवामा कार्यरत रहेका जवानद्वय नरेन्द्रसिंह नगारी र प्रेम ओड छन्।शुक्रबार काठमाडौंको डल्लु क्षेत्रबाट पक्राउ परेका उनीहरुले बरामद भएको लागूऔषध बेच्न खोजेको लागूऔषध नियन्त्रण ब्यूरोका एसएसपी दिलिप चौधरीले बताए ।
उनीहरुको साथबाट लागूऔषध डाइजेपाम, फेनारगन, नुर्फिन समेत गरी १८६ एम्पुल बरामद भएको छ । प्रहरी अनुसन्धानका क्रममा अन्य लागूऔषधको गिरोहसँग उनीहरुको कनेक्सन भेटिएको छ। उनीहरुको बारेमा थप अनुसन्धान भइरहेको व्युरोले जनाएको छ।
