काठमाडौं । आज साताको दोस्रो दिन सोमबार पनि शेयर बजार परिसूचक नेप्से ओरालो लागेको छ ।आज नेप्से ६५ दशमलव ५८ अङ्कले घटेर २५ सय ६ दशमलव ६१ विन्दुमा झरेको हो । आज बैंकिङ समूहको शेयर झण्डै ११ अङ्कले घटेको छ ।
यस्तै विकास बैंकको ८८ अङ्कले ओरालो लागेको छ भने, व्यापारको एक सय २७ अङ्कले, जलविद्युतको ९९, फाइनान्सको झण्डै २८ अङ्कले, माइक्रो फाइनान्सको एक सय १२ अङ्कले, उत्पादनको ९५, अन्यको ५४ र लगानी समूहको शेयर झण्डै तीन अङ्कले घटेको हो ।
आज दुई सय २० कम्पनीका एक करोड २९ लाख कित्ता शेयर ६ अर्ब ५९ करोड रुपैयाँमा किनबेच भएको छे। सबैभन्दा धेरै माथिल्लो तामाकोशी कम्पनीको शेयर कारोबार भएको छ । यसको कारोबार ३१ करोड ७४ लाख रुपैयाँको शेयर कारोबार भएको छ ।
रिलायन्स फाइनान्सको शेयर आठ प्रतिशतभन्दा धेरैले घटेको छ । तर विशाल बजार कम्पनी र महिला लघुवित्त कम्पनीको शेयर नौ प्रतिशतभन्दा धेरैले वृद्धि भएको छ ।
