काठमाडौं । अरनिको राजमार्गको अमलटारमा यातायात अवरुद्ध भएको छ ।
सिन्धुपाल्चोकको सुकुटेमा बसले मोटरसाइकललाई ठक्कर दिएर एकको मृत्यु भएपछि स्थानीयले यातायत अवरुद्ध गरेका हुन् ।
अरनिको राजमार्गको अमलटारमा सडकमा टायर राखेर यातायात अवरुद्ध गरेपछि दोलखा, बाह्रबिसे जाने र काठमाडौं आउने यात्रुहरु बाटोमै अलपत्र परेका छन् ।
बसको ठक्करले मोटरसाइकलमा सवार त्रिपुरासुन्दरी गाउँपालिकाका नारायण श्रेष्ठको मृत्यु भएको छ ।
श्रेष्ठको खाडिचौरको सदावहार अस्पतालमा उपचारका क्रममा मृत्यु भएको हो । दुर्घटनामा अन्य दुईजना घाइते भएका छन् ।
काठमाडौंबाट दोलखा जादै गरेको बा ३ ख ९६५८ नम्बरको अरनिको यातायातको बसले खाडिचौरबाट आउँदै गरेको बा ५९ प ६९८६ नम्बरको मोटरसाइकलाई विपिरत दिशामा गएर ठक्कर दिएको थियो ।
