स्थानीयस्तरमा उत्पादन हुने ‘घोस्ट गन’ दर्ता नहुने भएकाले पत्ता लगाउन कठिन हुने जानकारहरु बताउँछन् ।
अमेरिकी नागरिकले हतियार राख्न पाउने अधिकार अमेरिकी संविधानले सुनिश्चित गरेको छ । बाइडनले जारी गरेको यस सम्बन्धी कार्यकारी आदेशलाई कतिपयले आफ्नो संवैधानिक अधिकार हनन भएको रूपमा हेरेका छन् ।
अमेरिकामा बन्दुकबाट हुने हिंसा टाउको दुखाइको विषय बनेको छ । एक कार्यक्रममा राष्ट्रपति बाइडनले अमेरिकामा बन्दुकबाट हरेक दिन १०६ जनाको मृत्यु हुने गरेको तथ्यांक सुनाएका थिए ।
गत बुधबारमात्रै साइथ क्यारोलाइनमा भएको गोली प्रहारमा पाँच जनाको मृत्यु भएको थियो । त्यसैगरी मार्च महिनामा भएको बन्दुक आक्रमणबाट १८ जनाको ज्यान गएको थियो ।
