काठमाडौं, / नेपाली काँग्रेसका बरिष्ठ नेता रामचन्द्र पौडेल जनता समाजवादी पार्टी (जसपा) का अध्यक्ष महन्थ ठाकुरलाई भेट्न हात्तीवन पुग्नु भएको छ ।
बरिष्ठ नेता पौडेल आईतबार बिहान अध्यक्ष ठाकुरलाई भेट्न ठाकुर निवास हात्तीवन पुग्नु भएको थियो । उहाँहरुबीच करिब आधाघण्टा कुराकानी भएको बताइएको छ । भेटमा उहाँहरुबीच पछिल्लो राजनीतिक घटना क्रमको बारेमा छलफल भएको बताइएको छ । यद्यपि नयाँ सरकारका लागि कुनै ठोस निर्णय भने हुन नसकेको बताइएको छ ।
नेपाली काँग्रेसले प्रधानमन्त्री केपी शर्मा ओलीको राजीनामा माग्ने निष्कर्षमा पुगिसकेको छ । यदी राजीनामा नदिए अविश्वासको प्रस्ताव ल्याएर भएपनि ओलीलाई हटाउने काँग्रेसले रणनीति बनाएको छ । नेपाली काँग्रेसले जसपासहित अन्य दलहरुसँग गठबन्धन गरेर नयाँ सरकार बनाउने तयारी गरिरहेको छ ।
काँग्रेसमा पनि नेता पौडेल पक्ष विमलेन्द्र निधिलाई प्रधानमन्त्री बनाउने कसरतमा छ ।
