काठमाडौं । प्रधानमन्त्री केपी शर्मा ओलीले विकास निर्माणका कामहरू नरोक्न निर्देशन दिनुभएकाे छ ।
शनिबार भौतिक पूर्वाधार मन्त्रालयमा आयोजित कार्यक्रममा बोल्दै प्रत्रानमन्त्री ओलीले विकास निमार्णका काम रोक्दा बहुआयमिक क्षेत्रमा क्षति पुग्ने भएकाले निर्माणका काम नरोक्न निर्देशन दिनुभएको हो ।
प्रधानमन्त्रीले निर्माणका काम भइरहेको ठाउँमा अनियमितता भएको पाइएमा छानविन सँगसँगै काम पनि गर्न दिनुपर्ने बताउनुभयो ।
‘हामीले एउटा काम रोक्ने आदेश दियौं भने त्यसले के–के कुरामा र कति समय पछि प्रभाव पार्छ,’ प्रधानमन्त्रीले भन्नुभयो, ‘त्यसले पार्ने आर्थिक क्षतिमा तथा कार्य सम्पादनमा पर्ने असरबारे ध्यान दिनुपर्छ ।’
प्रधानमन्त्री ओलीले गुणस्तरमा ‘कम्प्रमाइज’ गर्न नसकिने बताउँदै विकास निर्माणप्रति गम्भीर भएर लाग्न पनि आग्रह गर्नुभयाे । साथै उहाँले सराेकारवाले काममा बाधा नपुर्याइ रेखदेख गर्नतर्फ जाेड दिनुपर्ने बताउनुभयाे ।
उहाँले भन्नुभयाे, ‘सरोकारवाले कामको रेखदेख गरौँ, काममा डिस्टब नगरौं ।’
