बाग्लुङ । बाग्लुङ, प्युठान र गुल्मीको सिमानामा पर्ने बल्देधुरीमा होली खेल्ने विषयमा झडप हुँदा दुई जनाको मृत्यु भएको छ । १३ जना बेपत्ता भएको प्रहरीले जनाएको छ ।
झडपमा निसीखोला गाउँपालिका – ७ राजकुतका प्रकाश कुँवर र दिपक दमाईको मृत्यु भएको निसिखोला गाउँपालिका वडा नम्बर ७ का अध्यक्ष तेजेन्द्र विक्रम कुँवरले जानकारी दिनुभयो । उहाँका अनुसार दुई जनाको शव घटनास्थल नजिकै भिरमा भेटिएको हो ।
बडिगाड गाउँपालिका वडा नं. १० दर्लिङ र निसिखोला गाउँपालिका वडा नं. ७ राजकुतका सयौँ युवाहरु भेला भएर होली खेल्ने क्रममा भएको झडपका क्रममा विवाद हुँदा १३ जना सम्पर्कबिहिन रहेको वडा अध्यक्ष कुँवरले बताउनुभयो ।
घटना भएको थाहा पाएपछि ईलाका प्रहरी कार्यालय बुर्तिवाङबाट प्रहरी टोली घटनास्थलमा पुगेको थियो । घटनामा बेपत्ता भएकाहरूको खोजी कार्य भइरहेको प्रहरीले बताएको छ ।
