एजेन्सी । भारतको राजधानी नयाँ दिल्लीमा रक्सी पिउने उमेर घटाइएको छ ।
दिल्लीको मन्त्रिपरिषद्ले रक्सी पिउने उमेर २५ बाट घटाएर २१ वर्ष बनाएको उपमुख्यमन्त्री मनिष सिसोदियाले जानकारी दिनुभयो ।
सिसोदियाले दिल्लीमा रक्सीको सरकारी पसल नहुने जानकारी दिँदै नयाँ रक्सी बेच्ने पसल पनि नखुल्ने बताउनुभयो । कर छलीलाई रोक्न नयाँ पसल खोल्ने अनुमति बन्द गरिएको सिसोदियालाई उद्धृत गर्दै बीबीसीले जनाएको छ । उहाँका अनुसार यसले राज्यको राजस्वमा २० प्रतिशतले वृद्धि हुनेछ ।
सरकारले बनाएको एक समितिले सिफारिसपछि सरकारले यस्तो निर्णय गरेको हो । दिल्लीमा राजस्वको सबैभन्दा ठूलो स्रोत रक्सी हो । सन् २०१९/२० मा रक्सीबाट मात्र ५ हजार ४ सय करोड रुपैयाँ राजस्व जम्मा भएको थियो ।
