बिगत ९ महिनादेखि सन्चालित यो कार्यक्रम अन्तरगत विद्यालयहरुको बिद्यालय प्रशासन र व्यवस्थापनलाई सुरक्षित वातावरणको लागि उत्तरदायी बनाउने, शिक्षकहरुबीच सुरक्षित व्यबहारका लागि प्रेरित गर्ने, हिंसा, उत्पीडित तथा बदमासीको बारेमा सीप र ज्ञान वृद्धि गर्ने, लैङ्गक तथा गुनासो सम्बन्धी घटनाको तथ्यांक सुरक्षित राख्ने जस्ता कार्य गरिएको कार्यपत्र प्रस्तोता बसन्त पराजुलीले बताए ।
भिएसओ नेपालको सहयोगमा आस्मान नेपाल र शिक्षा पत्रकार समाजको आयोजनामा भएको सुरक्षित सिकाई सम्बन्धी प्रदेश स्तरको कार्यशाला मंगलबार हेटौंडामा भएको थियो ।बागमती प्रदेशमा प्रदेश स्तरको शैक्षिक नीति लागू भएको छैन ।
शिक्षा नीतिबारे अझै पनि सुझाव ग्रहण गर्ने सकिने भएकोले यो अवसरलाई सदुपयोग गर्न सामाजिक विकास मन्त्रालयका शाखा अधिकृत श्रीकृष्ण आचार्यले बताए । विद्यालयको सिकाइलाई प्रभावकारी र सुरक्षित गर्न अभियान नै सुरु गरिएको उनले बताए । प्रदेश सरकारले प्रदेशको २ सय ५९ विद्यालयमा विद्यालय नर्स कार्यरत रहेको उनले बताए ।
विद्यालय नर्सको कारण पनि छात्रछात्रालाई मनोसामाजिक परामर्श हुने गरेको आचार्यले बताए ।छात्रछात्रालाई हिंसा र उत्पीडितबाट बचाउन महिला शिक्षकको भूमिका महत्वपूर्ण हुने बताइएको थियो । महिला शिक्षकको सक्रियतामा छात्राहरूमा हुने संभावित हिंसा कम हुने शिक्षा पत्रकार समाजका बागमती प्रदेश संयोजक वसन्त पराजुलीले बताए ।
