एजेन्सी । मंगोलियामा धुलोसहितको भीषण आँधीबेहरी परी ६ जनाको मृत्यु भएको छ ।
आँधीमा हराएका ५ सय ४८ जनामध्ये ४ सय ६७ जीवित भेटिएका मंगोलियाको राष्ट्रिय आपतकालीन व्यवस्थापन निकाय (नेमा)ले जनाएको छ ।
नेमाका अनुसार आँधीका कारण मंगोलियाका दक्षिणी प्रान्त दुंडगोभीमा पाँच र मध्यपश्चिमी प्रान्तमा एक जनाको मृत्यु भएको छ । अझै बेपत्ता ८१ जनाको खोजी भइरहेको छ ।
स्थानीय मिडियाका रिपोर्टअनुसार पश्चिमी मंगोलियाको केही क्षेत्रहरूमा आँधीबेहरीको कारण साताको अन्त्यमा ठूलो मात्रामा विद्युत् कटौती भएको छ ।
छिमेकी मुलुक चीनको राजधानी बेइजिङ सहित उत्तरी क्षेत्रमा आँधीले प्रभाव पारेको थियो ।
सोमबार दशककलै सबैभन्दा ठूलो बालुवाको आँधीबेहरीको अनुभव गरिएको स्थानीय सञ्चारमाध्यले जनाएका छ ।
