काठमाडौं । शुक्रबार नेकपा एमालेका अध्यक्ष केपी शर्मा ओलीले माधवकुमार नेपाल पक्षीय नेताहरूलाई जिम्मेवारीबाट हटाएपछि नेपाल पक्षले समानन्तर कमिटी गठन गरेको छ । शनिबार बसेको नेपाल पक्षको बैठकले आफ्ना तर्फबाट समानान्तर कमिटी गठन गरेको हो ।
जस अन्तर्गत प्रदेश १ को संयोजकमा भीम आचार्य, प्रदेशको संयोजकमा घनश्याम भूषाल, बागमती संयोजकमा अष्टलक्ष्मी शाक्य, गण्डकीमा सुरेन्द्र पाण्डे, लुम्बिनी र कर्णालीको संयोजकमा युवराज ज्ञवाली र सुदूरपश्चिम प्रदेशको संयोजकको जिम्मेवारी भीम रावललाई दिइएको छ ।
यस्तै युवा कमिटी संयोजकमा रघुजी पन्त, विद्यार्थी कमिटीमा गोकर्ण विष्ट, प्रचार विभागमा योगेश भट्टाराई, महिला विभागमा अष्टलक्ष्मी शाक्य र वुद्धिजिवी कमिटीमा प्रमेश हमाललाई संयोजक तोकिएको छ ।
