विराटनगर महानगरपालिका १६ का काजी तामाङ र प्रेमबहादुर मगरलाई सिमानाका बाट पक्राउ गरेको मोरङ प्रहरीले जनाएको छ । काम लगाइदिने बाहानामा महिलाहरुलाई भारत तर्फ लैजान लागेको सुचना पाएपछि तामाङ र मगरलाई विराटनगर १६ दक्षिण गेटबाट नियन्त्रणमा लिइएको प्रहरीले जनाएको छ ।
सिन्धुपाल्चोक जुुगल गाँउपालिका २ का २३ र ३२ बर्षका तामाङ थरका दुई महिलालाई मोरङ प्रहरीले नेपाल भारत सीमा क्षेत्रबाट उद्धार गरेको हो । उनिहरुले भारतमा राम्रो काम लगाई दिने धेरै पैसा कमाइ हुने भन्दै काठमाण्डौबाट बस चढाएर विराटनगर ल्याएको बताएका छन् ।
बसको भाडा पनि अर्कैले तिरिदिएको महिलाहरुले बताएका छन् । आर्थिक अवस्था कमजोड भएका कारण कामको खोजिमा हिडेको बेला प्रलोभन देखाएर उनिहरुलाई फागुन २० गते नै विराटनगर ल्याईएको खुलासा भएको मोरङ प्रहरीका प्रबक्ता डीएसपी मानबहादुर राईले जानकारी दिनु भयो ।
महिलाहरुलाई काजीले बसपार्कबाट सिटी सफारी चढाएर होटलमा राखेको र भारत लैजानको लागि प्रेमबहादुरको सहयोग मागेरको अनुसन्धानबाट खुलेको प्रवक्ता राईले जानकारी दिनु भयो ।
महिलाहरुले भने काठमाण्डौं बाट बस चडाइदिने र विराटनगर बसपार्कमा लिन आउने कसैलाई पनि नचिनेको बताएका छन् । उनिहरुलाई मानव बेचविखनको मुद्धा चलाउन जिल्ला अदालत मोरङबाट म्याद थप गरेर अनुशन्धान थालिएको मोरङ प्रबक्ता राईले जानकारी दिनु भयो ।
