काठमाडौं । कोभिड—१९ (कोरोना भाइरस) विरुद्धको खोप उत्पादन गरिरहेका तीन विदेशी कम्पनीहरूले नेपालमा खोप उपलव्ध गराउन औषधि व्यवस्था विभागमा निवेदन दिएका छन् । कोरोनाविरुद्धको खोप उत्पादन गरिरहेका चीनको सिनोफाम, भारतीय कम्पनी भारत बायोटेक र स्पुतानिक भी खोप उत्पादन गरिरहेको रुसी कम्पनीले विभागमा निवेदन दिएका हुन् ।
कम्पनी दर्ता प्रक्रियामा आएका तीन देशका कम्पनीसँग विभागले थप कागजात माग गरेको विभागका वरिष्ठ औषधि व्यवस्थापक सन्तोष केसीले जानकारी दिए । विभागमा अक्सफोर्ड एस्ट्राजेनिका र भारतीय खोप उत्पादक कम्पनी सेरम इन्स्च्यिुटले उत्पादन गरेको कोभिशिल्ड खोप आपतकालीन प्रयोगका लागि दर्ता भइसकेको छ ।
