काठमाडौं । म्यान्मारमा सैन्य कू विरोधमा आज दोस्रो दिन पनि जारी रहेको छ । विरोध प्रदर्शनमा हजारौँ मानिसहरू सडकमा उत्रिएका छन्।
देशको मुख्य सहर यांगुनमा प्रदर्शनकारीहरूले सैन्य तानाशाहको विरोधमा अनि प्रजातन्त्रको पक्षमा नाराबाजी गरेका छन्।
प्रदर्शनमा सहभागी कतिपय मानिसहरूले नेतृ आङ्ग सान सू चीको नेशनल लिग फर डिमोक्रेसी दलको रातो झन्डा तथा बेलुनहरू बोकेका थिए।
सोमवार सैन्य नेतृत्वले सत्ता कब्जा गरे लगत्तैदेखि नेतृ सू चीको अवस्था अज्ञात छ।
यसअघि म्यानमारमा फेसबुक, इन्स्टाग्राम र ट्विटरमा रोक लगाइएको छ भने इन्टरनेट सेवा बन्द गरिएको छ ।
गत नोभेम्बरमा सम्पन्न निर्वाचनमा सूचीको नेशनल लिग फर डेमोक्रेसी पार्टीले धांधली गरेर जितेको आरोप लगाउंदै सेनाले सूचीको सरकारलाई हटाएर सत्ता हत्याएको थियो ।
एजेन्सी
