काठमाडौं । प्रतिनिधिसभा विघटनविरुद्ध सर्वोच्च अदालतमा रिट दायर भएको एक महिना भइसकेको छ ।
तर झण्डै एक महिनापछि विघटनकै विषयमा आइतबारदेखि बहस सुरु भएको छ । सोमबारसम्म जम्मा ६ जनाले बहस गरेका छन् । मुद्धाको पक्ष र विपक्षमा गरी १८८ जनाले बहसका लागि वकालतनामा बुझाएका छन् ।
उनले अघि भने, ‘अरुलाई पनि समय दिनुपर्ला । फेरि झारखण्डको जस्तो नहोस् । विघटन गलत हो भन्दाभन्दै, सुनुवाइ गर्दागर्दै चुनावको समय आइसक्ने र तयारी भइसकेको हुनाले अब केही गर्नुपरेन भन्नु नपरोस् । समय म्यानेज गर्नुहोला ।’
पोखरेलले ‘बहस त गर्नुप¥यो श्रीमान’ भन्दा न्यायाधीश सिन्हाले हामी रोक्दैनौं भन्ने जवाफ दिए ।
आइतबार बहस गरेका वरिष्ठ अधिवक्ता भीमार्जुन आचार्य र अधिवक्ता सुनील पोखरेलले लामो समय लिएका थिए । सोमबार भने इजलासले समयबारे सचेत गराएको छ ।
आइतबार रिट निवेदनमाथि सुनुवाइ हुने क्रममा निवेदकका तर्फबाट बहसका लागि समय तोक्नुपर्ने विषय पनि उठेको थियो । तर प्रधानन्यायाधीश चोलेन्द्रशम्शेर जबराले यति महत्वपूर्ण विषयमा समय तोक्नुभन्दा बहस गर्नेहरुले विचार गर्नु उपयुक्त हुने जवाफ दिएका थिए ।
