काठमाडाैँ, / अखिल नेपाल ट्रेड युनियन महासंघको राष्ट्रिय भेलाले बागमती प्रदेशसभा सदस्य जगत सिंखडालाई केन्द्रीय अध्यक्षमा सर्वसम्मत चयन गरेको छ । राजधानीमा भएको भेलाले उनलाई सर्वसम्मत अध्यक्षमा चयन गरेको हो ।
लामो समयदेखि मजदुर आन्दोलनमा सक्रिय अध्यक्ष सिंखडा केही दिनअघि मात्रै संयुक्त ट्रेड युनियन महासंघ नेपालको जेटियुसिसीको समेत अध्यक्ष निर्वाचित भएका थिए ।
उनले यसअघि अखिल नेपाल यातयात मजदुर संघको समेत नेतृत्व गरिसकेका छन् । लामो समय अखिल नेपाल ट्रेड युनियन महासंघका महासचिवको भूमिकामा समेत रहेका उनी यसअघि कार्याबाहक अध्यक्षको भूमिकामा थिए ।
सोमबार बुद्धनगरस्थित पेरिसडाँडामा भएको भेलाले उनी सर्वसम्मत अध्यक्षमा चयन भएका हुन् ।
