काठमाडौँ, / सोमबार सुन तथा चादीँको मूल्यमा बृद्धि भएको छ । आइतबार ९४ हजार ५ सयमा कारोबार भएको छापावाला सुनको भाउ सोमबार तोलामा ८ सयले बढेर प्रतितोला ९५ हजार ३ सयमा किनबेच भईरहेको छ ।
तेजावी सुनको भाउ आज तोलामा ९४ हजार ८ सय कायम भएको छ । तेजावी सुन आइतबार ९४ हजारमा कारोबार भएको थियो ।
आइतबार तोलामा १३०० रुपैयाँमा कारोबार भएको चाँदी सोमबार बढेर तोलामा १३२५ रुपैयाँमा कारोबार भएको नेपाल सुनचाँदी व्यवसायी महासंघले जनाएको छ ।
महासंघले आज प्रति १० ग्राम छापावाला सुनको भाउ ८१ हजार ७०५ रुपैयाँ, प्रति १० ग्राम तेजावी सुनको मूल्य ८१ हजार २२५ रुपैयाँ र प्रति १० ग्राम चाँदीको मूल्य १ हजार १ सय ३६ रुपैयाँ कायम गरेको छ ।
