प्रधानमन्त्री ओलीको कदमले कम्युनिष्ट आन्दोलनमाथि गद्दारी गरेको भन्दै यसविरुद्ध एकजुट हुन र पार्टी एकताबाट विचलित नहुन कार्यकर्तालाई अपील गरिएको छ ।
- केन्द्रीय सदस्य पद अस्वीकार
यसैबीच जिल्ला अध्यक्ष टिकाराम खड्कालाई ओली समूहले केन्द्रीय सदस्यमा मनोनित गरेकोप्रति पनि खड्काले आपत्ति जनाएका छन् । पार्टी फुटाउने कुत्सित उद्देश्यले अल्पमत सदस्यहरुको बैठक बसेर आफूखुशी केन्द्रीय सदस्य मनोनित गरिएको भन्दै उनले उक्त पद अस्वीकार गरेको जन न्युज नेपाल खबरलाई बताए ।
‘म नेकपा दाङको जिल्ला अध्यक्ष हुँ, जसलाई जतिबेला मनलाग्यो उतिबेला बाँड्दै हिँड्ने सरकारी नियुक्ति जस्तो हो र कम्युनिष्ट पार्टीको केन्द्रीय सदस्य पद ?’ जन न्युज नेपाल खबरसँगको कुराकानीमा खड्काले भने, ‘सबैतिर अल्पमतमा परेपछि पार्टी फुटाउन बहुमत देखाउने नियतले गरिएको कथित केन्द्रीय सदस्य पद स्वीकार्ने सवालै हुन्न ।’
