काठमाडौं, ८ पुस । कालीगण्डकी करिडोरमा प्रयोग हुँदै आएको ट्रक भिरबाट खस्दा ३ जनाको मृत्यु भएको छ । कालिगण्डकी करिडोर अन्तर्गत पूर्वी नवलपरासीको गैँडाकोट नगरपालिका-३ को भोक्राेफाट भन्ने ठाउँको भिरबाट ना ३ ख ५३३९ नम्बरको ट्रक खसेको थियो ।
मृत्यु हुने सबै पुरुष रहेको जिल्ला प्रहरी कार्यालय पूर्वीनवलपरासीका प्रमुख (डीएसपी) मोहन बहादुर खाँणले बताउनु भएको छ ।
उनीहरुको वतन भने प्राप्त भइनसकेको उहाँको भनाइ छ । उक्त ट्रक बुलिङटार गाउँपालिकाको खामबेंसी पुगेर आउदै गर्दा दुर्घटनामा परेको प्रहरीले जानकारी दिएको छ । सो ट्रक कालीगण्डकी करिडोरकै काममा प्रयोग गरिदै आएको खुलेको छ ।
ट्रकमा के कति जना रहेको थिए भन्ने खुलेको छैन । मृतकहरुको बिस्तृत बिवरण भने आउन बाँकी रहेको बताइएको छ ।
