एजेन्सी, /  फ्रान्समा एक बन्दुकधारीले ३ प्रहरीको गाली हानी ह-त्या गरेका छन् । बन्दुकधारीले बुधबार पुय-डे-डोम भन्ने ठाउँमा प्रहरीहरुको ह-त्या गरेका हुन् ।

समाचार एजेन्सी एपीएफका अनुसार ती प्रहरीहरु एक महिलाको उद्धारका लागि त्यहाँ पुगेका थिए । तर प्रहरीहरु हिंसामा परेकी महिलालाई ती बन्दुकधारीले राखेको ठाउँमा पुग्ने बित्तिकै प्रहरीमाथि गोली चलेको थियो । पीडित महिलाले घरेलु हिंसा भएको भन्दै प्रहरीमा खबर गरेको त्यहाँको प्रहरीले जनाएको छ ।

समाचार एजेन्सीहरुका अनुसार २ चरणमा प्रहरीहरु घटना स्थल पुगेका बताइएको छ । पहिलो चरणमा २ प्रहरी घटना स्थल पुगेका थिए । पहिलो चरणमा गएका प्रहरीको टोलीमाथि गएका दुवै प्रहरीलाई ती अपराधीले गोली चलाउदा एकको मृत्यु भएको थियो । त्यस्तै अर्का घाइते भएका थिए । त्यसपछि पुन थप २ प्रहरी त्यस स्थानमा गएका थिए । उनीहरुमाथि पनि गोली प्रहार पछि मृत्यु भएको समाचार एजेन्सी एएफपीले जनाएको छ ।

त्यसपछि उनले आफ्नो घरमा आगो लगाएका थिए । आगोलागी पछि प्रहरी अधिाकारीहरुसहित ठूलो संख्यामा प्रहरी परिचालन गरिएको थियो । प्रहरीहरुले आगो नियन्त्रणको काम पनि गरिरहेको बताइएको छ ।

घटना स्थलबाट प्हरीले महिलाको उद्धार गरिसकेको बताइएको छ । तर बबन्धुकधारी ती अपराधीलाई भने पक्राउ गर्न सफल भइनसकेको बताइएको छ । उनी यसअघि पनि विभिन्न अपराधका घटनामा संलग्न रहेको खुलेको छ ।  अपराधी ४८ वर्षीय एक पुरूष रहेका छन्  ।