काठमाडौं : पछिल्लो २४ घण्टामा ७ हजार पिसिआर परीक्षण गर्दा मुलुकभर ७ सय २२ जनामा कोरोना पुष्टि भएको छ। स्वास्थ्य तथा जनसंख्या मन्त्रालयले दिएको जानकारीअनुसार हालसम्म १८ लाख ८४ हजार एक सय ८१ जनाको पिसिआर परीक्षण गरिएको छ।
आजसम्मको विवरणअनुसार देशभर सक्रिय संक्रमित ७ हजार ७ सय २९ छन्। ९ सय ६६ जना संक्रमणमुक्त भएको स्वास्थ्य तथा जनसंख्या मन्त्रालयले जनाएको छ। हालसम्म २ लाख ४५ हजार ७ सय ९ जना संक्रमणमुक्त भएका छन्। निको हुनेको दर ९६ दशमलव ३ प्रतिशत पुगेको छ।
कुल संक्रमित २ लाख ५५ हजार दुई सय ३६ जना छन्। बितेको २४ घण्टामा थप ३ जनाको मृत्यु भएको छ। नेपालमा हालसम्म कोरोनाकै कारण मृत्यु हुनेको कुल संख्या १७ सय ९८ पुगेको पनि मन्त्रालयले जानकारी दिएको छ।
क्वारेन्टाइनमा चार सय १३ जना छन्।
