बाणगंगा नदीमा थप एक जनाको शव भेटियो कपिलवस्तु ।
सशस्त्र प्रहरी बल पिपराका प्रहरी निरीक्षक अर्जुन ढकालका अनुस बाणगंगा नगरपालिका–७ कोइली नदीमा बुधबार वेपत्ता भएका मध्ये अर्घाखाँची घर भएका केशव भाट क्षेत्रीकोे शव फेला परेको छ । खोजी गर्ने क्रममा वडा नम्बर ६ सुठौलीस्थित बाणगंगा नदी किनारमा तैरिएर रहेको अवस्थामा आज दिउँसो शव भेटिएको छ ।
बेपत्तामध्ये विद्युत कार्यालय जितपुर शाखाका प्रमुख कृष्ण पौडेलको अवस्था अज्ञात रहेको छ । भलवाडबाट वनगाई आउने क्रममा कजवेमा बुधबार खोलाले जिप बगाउँदा ३ जना बेपत्ता भएका थिए त्यसमध्ये जिप चालक माधव प्रसाद पाण्डेको भने बुधबार साँझ शव भेटिएको थियो खोजी कार्यमा लागि रहेको भएता पनि निरन्तर वर्षा कारण खोजी कार्यमा कठिनाइ भएको प्रहरीले जनाएको छ ।
