अमेरिकी राष्ट्रपति ट्रम्पलाई विषालु पत्र पठाउने महिला पक्राउ, एजेन्सी ।
न्यूयोर्क पोष्टका अनुसार अमेरिकी राष्ट्रपति डोनाल्ड ट्रम्पलाई विषालु पदार्थ मिसिएको पत्र ह्वाइट हाउसमा पठाउने व्यक्तिको पहिचान भएको र उनी एक गैरकानूनी क्यानेडियन आप्रवासी रहेको एक प्रतिवेदनमा उल्लेख गरिएको छ । ऋाशंका गरिएकी महिलालाई क्यूबेककी ५३ वर्षीया पास्कल फेरियरद रहेको र उनलाई न्यूयोर्क नजिकैबाट पक्राउ गरेको छ । जसलाई सन् २०१९ को मार्चमा टेक्ससमा भिसाको समयावधि सकिएकी उनलाई नक्कली लाइसेन्स लिएर गाडी चलाइरहेको बेलामा पक्राउ गरेर हिरासतमा लिइएको थियो । उनी २० दिन जेल बसेर पछि निर्दोष साबित भई निस्किएकी उनलाई क्यानडा निष्काशन गरिएको थियो । टेक्सासका आप्रवासन अधिकारीहरुलाई पनि यस्तै खाले पत्र पठाएको दाबी गरेको भएता पनि उनको अन्तिम निशाना राष्ट्रपति ट्रम्प नै रहेको जनाएको छ । यस्तै खाले ६ वटा पत्र पठाइएकामा ५ वटा टेक्सास र एउटा ह्वाइट हाउस पठाइएको जनाइएको छ ।
अमेरिकी अधिकारीहरुका अनुसार राष्ट्रपति ट्रम्पलाई सम्बोधन गरेर पठाइएको शंकास्पद पत्रमा ‘रिसिन’ नामक विषालु पदार्थ भेटिएको थियो ।ह्वाइट हाउस जाने सबै पत्र अनुगमन र निरीक्षण हुने केन्द्रमा विषालु पदार्थ भेटिएको र उक्त पत्र ह्वाइट हाउस पुग्नुभन्दा अगावै सुरक्षाकर्मीहरुले नियन्त्रणमा लिएका थियो । अमेरिकी संघीय जाँच ब्युरो (एफबिआई) र सेक्रेट सर्भिसको प्रारम्भिक छानविनमै उक्त पत्र क्यानडाबाट पठाइएको हुनसक्ने अनुमान अधिकारीहरुले गरेका थिए ।
