भारतमा एकै दिन १,१३० जनाको मृत्यु 

काठमाडौं । भारतमा कोरोना भाइरसको संक्रमणबाट एकैदिन एक हजार एक सय ३० जनाको मृत्यु भएको छ । भारतमा पछिल्लो २४ घण्टामा ८६ हजार ९ सय ६१ जनामा कोरोना भाइरस संक्रमण देखिएको छ । योसँगै भारतमा हालसम्म कोरोना भाइरसबाट संक्रमित हुनेको संख्या ५४ लाख ८७ हजार पाँच सय ८१ पुगेको छ । भारतमा कुल मध्ये संक्रमितमध्ये अहिले पनि दश लाख तीन हजार दुई सय ९९ जना संक्रमित अवस्थामै रहेका छन् ।
कुल संक्रमितमध्ये ४३ लाख ९६ हजार तीन सय ९९ जना भने संक्रमणमुक्त भइसकेका छन् । भारतीय मेडिकल रिसर्ज काउन्सीलका अनुसार भारतमा अहिलेसम्म ६ करोड ४३ लाख ९२ हजार पाँच सय ३४ जनाको कोरोना परीक्षण गरिएको छ ।
भारतको महाराष्ट्र प्रदेशमा सबै भन्दा बढी संक्रमित भएका छन् । महाराष्ट्रमा अहिले पनि दुई लाख ९८ हजार ५८३ जना संक्रमित रहेका छन् । भने कर्नाटकमा एक लाख एक हजार १४८ जना संक्रमितहरु छन् । तेस्तै आन्ध्र प्रदेशमा ८१ हजार सात सय ६३ जना संक्रमित छन् ।