नेकपा सचिवालय बैठक आज बाट सुरु :-
जन न्युज नेपाल खवर प्रतिनिधि काठमाडौँ !
काठमाडौं । सत्तारुढ नेपाल कम्युनिष्ट पार्टी (नेकपा) को सचिवालय बैठक केहीबेर अघिबाट पेरिसडाँडास्थित पूर्वमाओवादीको केन्द्रीय कार्यालयमा सुरु भएको छ । बैठकमा प्रधानमन्त्री केपी शर्मा ओलीसमेत सहभागी छन् । भने यसअघि असोज २ मा बस्ने गरी बोलाइएको नेकपा सचिवालय बैठक अन्तिम समयमा आएर स्थगित गरिएको थियो ।
नेकपा अध्यक्ष पुष्पकमल दाहाल ‘प्रचण्ड’ कार्यकारी अध्यक्षको अधिकार प्रयोग गर्न पाएपछि पहिलो पटक पेरिसडाँडास्थित कार्यालयको माथिल्लो तलामा भौतिक दुरी कायम गरी बस्ने व्यवस्था मिलाइएको छ । अघिका बैठक धुम्बाराहीस्थित केन्द्रीय कार्यालय र प्रधानमन्त्री निवास बालुवाटारमा बस्दै आएका थियो । गत भदौ २६ मा बसेको स्थायी समिति बैठकका निर्णयहरु कार्यान्वयनबारे सचिवालय बैठकमा छलफल हुने नेकपा नेताहरुले जनाएकाा छा् । साथै पार्टी र सरकारका कामकारवाहीबारे पनि बैठकमा छलफल समेत जनाएको छ ।
बालुवाटारमा बसेको भदौ २६ को स्थायी कमिटी बैठकले अध्यक्ष केपी शर्मा ओली र कार्यकारी अध्यक्ष प्रचण्डको कार्यविभाजन तथा कार्याधिकार स्पष्ट पारेको थियो । साथै पार्टी र सरकारको कामलाई संस्थागत ढंगले अघि बढाउन समन्वय गर्ने निर्णय समेत गरेको थियो ।सोही निर्णय कार्यान्वयनका लागि उपयुक्त मापदण्ड बनाउने, मन्त्रिपरिषद पुनर्गठन गर्ने, सांगठनिक एकीकरणको बाँकी काम पूरा गर्ने र संवैधानिक निकायहरुमा राजनीतिक नियुक्ति छिटो गर्ने लगायतका विषयमा आजको बैठकमा छलफल हुने सचिवालय स्रोतले जनाएको छ ।
